پروگرام
پروگرامێ مە پێک دهێت ژ : ئینگلیزی، زانست، بیرکاری، کوردی، نڤێسینا ده‌ستی، خواندنێت جڤاکی، هونه‌ر، په‌روه‌ردا ساخله‌میی و فیزیک، ته‌کنه‌لوجیا کومپیوته‌ری و په‌رتوکخانه. پرانیا وانێن مه بزمانێ ئینگلیزینه. زمانێ کوردی (رێزمان، زمان و ئه‌ده‌ب) و خواندنێت جڤاکی ب زمانێ کوردی نه. قوتابیێن مه دێ د ده‌مه‌کێ کێم دا بنه شاره‌زایێن زمانێ کوردی و ئینگلیزی.
قوتابخانا نولێج په‌رتوکخانه‌ک بو قوتابیان هه‌یه و پێدڤیه لسه‌ر قوتابیان په‌رتوکا ب زمانێ کوردی و ئینگلیزی بخوینن، و گه‌ل خو ببه‌نه مال و بخوینن به‌ری بزڤرینن. قوتابخانا نولێج یا تایبه‌ت باوه‌ری هه‌یه کو هه‌ر قوتابیه‌ک دڤێت پێزانین لسه‌ر ته‌کنه‌لوجیا ڤی ده‌می هه‌بیت، وانێن ته‌کنه‌لوجیا کومپیوته‌ری ل تاقیگه‌ها.
بو وان قوتابیێن زه‌حمه‌ته دبینن، شیره‌تکارێ قوتابخانێ دێ هاریکاریا قوتابی و ده‌یبابا که‌ت دا ژ وێ ئاریشێ ببورن ئه‌وا دبیته ئه‌گه‌رێ پاشڤه‌چونا ئاستێ قوتابی.
پروگرامێ قوتابخانێ پێکدهێت ژ پێنج روژێن پڕ ژ فێربونێ ل هه‌ر حه‌فتیه‌کێ. پشتی قوتابخانێ دڤێت هه‌ر قوتابیه‌ک ب کێمترین شێوه بو ماوێ دوو ده‌مژمێرا مژیلێ راهێنانا بیت، و هه‌ر وه‌سا راهێنان بو دیماهیکا حه‌فتیێ ژی ب شێوه‌یه‌کێ به‌رده‌وام یێ د هه‌ین. شاره‌زابون د هه‌ر زمانه‌کی دا پێتڤی خاندنه‌کا به‌رده‌وام و خو زه‌حمه‌ت دانێیه. ل قوتابخانا نولێج یا تایبه‌ت، قوتابیێن مه دێ فێری دوو زمانا بن ل ژییه‌کێ بچیک و ئه‌م پێشبینیێ دکه‌ین ببنه شاره‌زایێت زمانه‌كی سییێ ده‌مێ خاندنا وان پێشدکه‌ڤیت.
بو وان که‌سێن دڤێن فێری زمانی ئینگلیزی بن بو دان و ستاندنێ، قوتابخانا نولێج کورسێن زمانێ ئینگلیزی ل ده‌مێ ئێڤاران ڤه‌دکه‌ت.